Albino Núñez Domínguez

O martes, 13 de maio de 2008, ás 20.00 horas, na Casa Museo de Curros Enríquez de Celanova (Ourense), serán presentados os dous primeiros volumes da obra de Albino Núñez Domínguez: Romances da Terra Maina e Ensaios e Artigos, 1956-1973.

O día 21 de abril de 2008 presentouse o libro Ensaios e Artigos, 1956 - 1973, de Albino Núñez Domínguez.
O libro recompila máis dun centenar de ensaios e artigos xornalísticos, que no seu día foron publicados en revistas e periódicos da Arxentina, Venezuela, México e España. A presentación da obra tivo lugar no Edificio Simeón, perante máis de duascentas persoas, entre as que atopaban moitos ex-alumnos do autor, que asistiron ao acto con emoción.

Vento do Leste, a revista de Cultura, arte e sociedade da Federación de Entidades Culturais Galegas de Catalunya, dedica un interesante artigo de tres páxinas a Albino Núñez Domínguez no seu número 17 (xullo de 2007).

O día 27 de xullo con motivo do ‘IV Trofeo Ibérico de Acordeón’ celebrouse na Casa de Curros Enríquez (Celanova) un recital poético de autores galego-portugueses a cargo de Raúl Duarte. No programa, varias poesías de Albino Núñez Domínguez.
O acto foi seguido por unhas sesenta persoas.

Momento do recital por Raúl Duarte na sala da lareira.

O mércores 20 de xuño de 2007 presentouse, no Centro Cultural da Deputación Provincial de Ourense (antigo edificio Simeón) a primeira edición do libro de poesía de Albino Núñez "Romances da terra maina", editado por Armonía Universal.

Está dispoñible a biografía de Albino Núñez Domínguez nas seguintes Wikipedia:

1. Wikipedia en Galego.
2. Wikipedia en Español.
3. Wikipedia en Francés.
4. Wikipedia en Catalán.
5. Wikipedia en Portugués.
6. Wikipedia en Inglés.
7. Wikipedia en Italiano.

Ampliamos a catro as poesías publicadas na Revista Lar de Bos Aires.

Escritor, pedagogo e poeta¹, naceu na Mezquita (A Merca, Ourense) o 13 de decembro de 1901. Estuda Maxisterio na Escola Normal de Ourense, sendo «discípulo predilecto de don Vicente Risco, don Felipe Pedreira, don José Soler e de dona Araceli Ancochea» (A. Vilanova).